Basanda Ns Oswald
Amakuru dukesha Minisiteri y’Ubuzima avuga ko abarwayi ba Corona bavuye kuri 17 bagera kuri 36 uhereye ku munsi w’ejo ku wa 23 Werurwe 2020, batangiye gupimwa no gushyirwa mu kato uhereye ku wa 17 kugera ku wa 20 Werurwe 2020.
Muri abo barwayi bagaragaweho Corona 9 bari bavuye Dubai, 3 bari baturutse Kenya, 2 bari bavuye muri Leta Zunze Ubumwe z’Amerika, 1 Qatar, 1 yari aturutse mu Buhinde, 1 mu Rwanda akaba yarahuye n’umuntu wayanduye.
Abo bagenzi baje baturuka hanze y’igihugu, bashyirwa ahantu bagapimwa bagashyirwa mu kato, bagakomeza gukurikiranwa, kugeza ubwo borohewe barataha bagasubira iwabo bagakomeza ubuzima busanzwe.
Ako ni agakoko ka Coronavirus COVID-19
Nanone Minisiteri y’Ubuzima ivuga ko niyo bamaze koroherwa hakomeza gushakishwa abandi bantu bagiye bahura na bo ngo basuzumwe uko bagahaze niba badashobora kuba baranduye COVID-19.
Uganda: Tubibutse kandi ko muri Uganda umubare wabamaze kwandura COVID-19, wavuye ku abantu 8 ukaba umaze kugera ku 9. Minisiteri y’Ubuzima ya Uganda ikaba yaramaze kwemeza ko uhereye ku wa 21 Werurwe 2020 ko ari bwo yamaze kwemeza ko umuntu wa mbere yamaze kugaragarwaho n’iyo ndwara.
Umuntu wa mbere wayigaragaweho muri Uganda, akaba yaraturutse Dubai, akaba yarazanywe n’indege ya Kompanyi ya Ethiopia Airlines, akaba atuye mu gace kitwa Kibuki mu murwa mukuru wa Kampala, nanone ku wa 23 Werurwe 2020, Miniteri y’Ubuzima ya Uganda, yemeje ko habonetse abandi bantu 8, bakaba ari abanya Uganda baherutse gukorera ingendo zabo muri Dubai na Leta Zunze Ubumwe z’Amerika.
Abamaze gushyirwa mu kato muri Uganda ni 2,661, aho bakekwaho kuba hari aho bahuriye n’abanduye iyo ndwara ya Coronavirus COVID-19.
Cameroun: Tubibutse nanone ko hari umunyamuziki w’icyamamare w’umunya Cameroun, wamaze guhitanwa na Coronavirus witwa N’djoke Dibango uzwi ku izina rya Manu Dibango, akaba yitabye Imana none ku wa 24 Werurwe 2020.
Uwo munyamuziki yarazwi mu gucuranga saxophone ndetse no kuririmba injyana ya Jazz. Uwo munyamuziki akaba yarafite imyaka 86, umuhango wo kumushyingura ukaba ushobora kuzitabwirwa n’abantu bake, bitewe n’ibihe turimo byo kwirinda icyago cya COVID-19.
