Ubuzima

Rwanda:Abantu 7 barimo umwana w’imyaka 13 bishwe na Coronavirus

Amakuru dukesha itangazamakuru mu Rwanda avuga ko Minisiteri y’Ubuzima (Minisante) ejo hashize ku wa 30 Ukuboza 2020 yatangaje ko abantu 7 barimo umwana w’imyaka 13 bahitanywe na Coronavirus, mu gihe 122 ari bo bayanduye.

Mu bahitanywe na Coronavirus harimo umwana w’umukobwa w’imyaka 13 wo mu Karere ka Nyamasheke, abagabo batatu barimo uwo imyaka 51, uwo imyaka 60 n’uwa 63 bo mu Mujyi wa Kigali, umugore w’imyaka 62 wo muri Kigali, umugabo w’imyaka 61 wo muri Gatsibo n’undi w’imyaka 66 wo muri Karongi.

Abapfuye kuri uwo munsi batumye umubare w’abamaze guhitanwa n’icyo cyorezo kuva cyagera mu Rwanda muri Werurwe uyu mwaka bagera kuri 86.

Minisiteri y’ubuzima yatangaje ko abarwayi bashya banduye ari 122 mu bipimo 3 409 byafashwe, bituma umubare w’abamaze kwandura bose mu gihugu ungana na 8 250. Abakize ni 30, bikaba byatumye umubare w’abamaze gukira bose uba 6 369 mu gihe abakirwaye ari 1 795.

Abarwayi bashya 69 babonetse mu mujyi wa Kigali, Gakenke habonetse 18, Rusizi ni 8, Rubavu ni 7, Huye 5, Nyamasheke 4, Nyamagabe 3, Muhanga 2, Karongi 2, Kamonyi 1, Gatsibo 1, Nyabihu 1 na Nyagatare haboneka 1.

Ministry of Health | Rwanda

@RwandaHealth

 

29.12.2020 Amakuru Mashya | Update *Kigali: 40, Kayonza: 17, Gakenke: 12, Musanze: 12, Huye: 8, Rubavu: 8, Gicumbi: 5, Burera: 2, Rusizi: 1, Kamonyi: 1, Nyagatare: 1

To Top