Minisiteri y’Ubuzima (MINISANTE) yatangaje ko hari umutu wa mbere wagaragayeho ibimenyetso bya Coronavirus mu Rwanda.
Ni Umuhinde wageze mu Rwanda kuwa 8 Werurwe 2020. Yageze mu Rwanda nta bimenyetso by’iyo ndwara agaragaza, ejo kuwa 13 Werurwe 2020 ni bwo yijyanye ku kigo nderabuzima bamupimye bamusangamo coronavirus.
Minisitiri w’Intebe, Dr Ngirente Edouard, kuwa 6 Werurwe 2020, yasohoye amabwiriza asaba Abanyarwanda kwitwararika ibintu bitandukanye mu rwego rwo gukumira icyorezo cya Coronavirus.
Mu nama Abaturarwanda bagirwa, harimo kwirinda kuramukanya abantu bahana ibiganza, cyangwa guhoberana no kugabanya ingendo zitari ngombwa mu bihugu byagaragayemo iki cyorezo.
