Basanda Ns Oswald
Kuri uyu wa mbere, amakuru dukesha Minisiteri y’Ubuzima ahamya kugeza ubu abakekwaho indwara ya Coronavirus COVID-19 bari 104, ku munsi w’ejo abantu 4 ku wa 05 Mata 2020 habaka baramaze gusezererwa bagataha mu ingo zabo, 4 muri bo 1 ni Umurundi na 3 b’Abanyarwanda, byatumye umubare ugabanuka ugera ku 100, bakaba ari bo bagikurikiranwe no kwitabwaho.
Minisiteri y’Ubuzima, ikaba ivuga ko aba bari barwaye bakaba nta n’umwe urembye, kandi ko bakomeje kwitabwaho n’inzego zishinzwe ubuzima. Kuva iki cyorezo cyatangira kugaragara mu Rwanda nta muntu n’umwe cyari cyahitana.
Amabwiriza yo kwirinda COVID-19, avuga ko mu gihe hagize ugaragaweho n’ibimenyetso by’iyo ndwara ashyirwa mu kato mu gihe cy’iminsi 14, mu gihe kandi usanze ufite bimwe mu bimenyetso by’iyo ndwara ko ashobora guhamagara ku 114 cyangwa se akaba yakwisuzuma akoresheje tel ye ngendanwa *114#, cyangwa se akaba yahamagara nimero 0788 20 20 80 kugira ngo ahabwe ubufasha.
Imibare dukesha umuryango mpuzamahanga ushinzwe ubuzima (OMS) ukaba uvuga ko abamaze kugaragara ko bafite agakoko ka Coronavirus COVID-19 ku isi ari 1 286 294, abamaze kwitaba Imana bakaba ari 70 446, naho abamaze gusezererwa bakize icyo cyago bakaba ari 271 882.
Ibihugu bikomeje kuza ku isonga mu kugira abarwayi benshi akaba ari Leta Zunze Ubumwe z’Amerika, zifite abarwayi ba COVID-19 bangana na 336, 851, aho abamaze guhitanwa n’icyo cyorezo ni 9 620, abamaze gufatwa vuba n’iyo ndwara bakaba ari 178 naho abitabye vuba aha bakaba ari 4.
Espagne, imaze gutakaza nonaha vuba abantu 414, mu gihe abamaze guhitanwa na COVID-19 ari 13 055, abafashwe n’iyo ndwara mu gihe cya vuba nonaha ni 3 386 naho abarwayi bamaze kugaragarwaho n’icyo cyorezo ni 135 032.
Ubutaliyani bwahoze ku isonga nta n’umwe ubu COVID-19 cyahitanye mu gihe kingana n’amasaha 24, abamaze guhitanwa n’icyo cyago ni 15 887, mu gihe abarwayi bari bamaze kugaragara ari 128 948.
Iran, kuri ubu imaze gutakaza abantu 136, ni mu gihe abamaze guhitanwa n’iyo ndwara ari 3 739 naho abamaze kuyandura ni 60 500, ni mu gihe abanduye vuba ari 2 274.
Ububiligi, kuri uyu munsi yapfushije abantu 185, abamaze guhitanwa na COVID-19 ni 1 632, mu gihe abanduye vuba ari 1 123, naho abarwayi bamaze kwandura bamaze kuboneka ni 20, 814.
Ikurikirwa na Netherlands, kuri ubu yapfushije abantu 101, abamaze guhitanwa n’iyo ndwara bakaba bamaze kuba 1 867, abanduye vuba bakaba ari 952, naho abanduye COVID-19 bakaba ari 18 803.
Kongo Kinshasa, abamaze guhitanwa na COVID-19 ni 18, mu gihe abamaze kugaragara ari 154, abamaze gukira bagataha ni 3. Kenya abarwaye Coronavirus kuri ubu ni 142, abo imaze guhitana bakaba ari 4 nanone abamaze gutaha kuko bayikize ni 4.
Tanzania, umuntu 1 ni we icyo cyorezo cyamaze guhitana, mu gihe abamaze kugaragarwaho na COVID-19 ari 22. Mu Burundi abamaze kugaragarwaho icyo cyorezo ni 3 nta muntu n’umwe wari wahitanwa na yo. Uganda abamaze kwandura COVID-19 ni abantu 52, nta muntu n’umwe wari wahitanwa na yo.
Abantu bamaze guhitanwa n’icyo cyorezo cya COVID-19 mu masaha 24 ashize kuri uyu wa mbere ni 1 021, naho abantu bamaze kwitaba Imana kubera icyo cyorezo bakaba ari 70 446 naho abanduye vuba bakaba ari 13 432, ni mu gihe abagaragaweho iyo ndwara ari 1 286 294.
