Coronavirus: Mu Butariyani abamaze guhitanwa na COVID-19 ni 13 915 mu gihe Espagne ari 10 348

Share

Tweet

Share

Share

Email

Comments

Basaanda Ns Oswald

Mu Rwanda icyorezo cy’ubwandu buterwa n’agakoko ka Coronavirus COVID-19, kuri ubu abamaze kwandura bavuye kuri 82 bagera kuri 84, kuko tubikesha Minisiteri y’Ubuzima, nubwo umubare ukomeje kuzamuka nta n’umwe wari wahitanwa n’icyo cyorezo, bitewe n’ingamba zikomeye zagiye zifatwa na Guverinoma y’u Rwanda.

Muri bihugu b’Afurika y’Iburasirazuba (EAC) icyorezo cya COVID-19, kimaze guhitana abantu 4 harimo 3 bo muri Kenya n’umuntu 1 wo muri Tanzania. Ku isonga igihugu cya Kenya ni cyo kimaze kugira umubare munini w’abamaze kwandura bangana na 110 bavuye kuri 81.

Mu Bugande abamaze kwandura bangana na 45, Tanzania hamaze kwandura abantu 20 mu gihe umuntu 1 ari we umaze guhitanwa n’icyo cyorezo, bakurikirwa n’Uburundi aho abamaze kwandura ari 3.

Algeria abamaze kwandura bagera kuri 847 ni mu gihe abamaze guhitanwa na yo umaze gutumbangira ku abantu 86 naho mu gihugu cy’Afurika y’Epfo, abamaze guhitanwa na COVID-19 bamaze kugera kuri 5 naho abayanduye bagera ku 1 380.

Ibihugu bimaze kugira umubare mwinshi w’icyo cyorezo cya COVID-19, ku isonga hari Leta Zunze Ubumwe z’Amerika, abamaze kwandura ni 245 559, hakaba hamaze gupfa abantu 6 057 aho ku munsi 1 hapfuye abantu 919.

Mu Butaliyani, umubare w’abamaze kwandura bamaze kuba 115 242, naho abamaze guhitanwa n’icyo cyorezo ni 13 915. Mu Espagne abamaze kwandura bagera kuri 112 065, naho abamaze guhitanwa n’icyo cyorezo ni 10 348, aho ku munsi 1 gusa ejo hapfuye abantu 961 mu gihe cy’umunsi 1.

Abantu bamaze kwandura iki cyorezo cya COVID-19, imibare mishya igaragaza ko bamaze kuba abantu 1 016 401, mu gihe abamaze gupfa bangana na 53 160, kuko tubikesha umuryango mpuzamahanga wita ku Buzima (OMS).

Kwirinda iki cyorezo ni ukuguma mu rugo, gukaraba intoki n’isabune no gukoresha alcool, naho ibimenyetso byayo bikaba ari umuriro, gucika intege, gukorora n’umusonga.

Ministere y’Ubuzima mu Rwanda, ikaba ishishikariza Abanyarwanda n’abaturarwanda, ko hagize ugaragaza bimwe muri ibyo bimenyetso yakwihutira guhamagara ku inomero itishyurwa 114 cyangwa se ukandika kuri email callcenter@rbc.gov.rw, cyangwa se ukaba wahamagara ku buntu +250 2788 20 20 80, muri ako kanya ubutabazi bukakugeraho, bityo abaganga bakagukurikirana no kukwitaho.

Kugeza ubu, nta murwanyi wa COVID-19 mu Rwanda wari wahitanwa n’icyo cyorezo, nubwo abanduye COVID-19, umubare ugenda wiyongera, ari ko kandi ni ko bamwe bagiye gusezererwa mu gihe cya vuba, bagataha mu ngo zabo bityo bagasanga imiryango yabo.