Basanda Ns Oswald
Mu masaha 24 ku isi, hamaze kwitaba Imana abazize icyago cya coronavirus COVID-19, abantu bitabye Imana vuba ni 239, abo imaze guhitana ku isi ni 126, 839, abafite ubwandu bushya ni 7, 131, abanduye muri rusange ni 2, 004,991 abamaze gukira ni 485, 827.
Mu Rwanda, amakuru dukesha Minisiteri y’Ubuzima, ivuga ko abantu 7 bashya banduye COVID-19 ari bo bagaragaye mu bantu 983 bapimwe ku munsi w’ejo ku wa 14 Mata 2020. Mu bantu bamaze kwandura 134, muri abo banduye, 49 bamaze gusezererwa barakize bataha mu ingo iwabo, abagikurikiranwa ni 85 kandi ko nta n’umwe urembye muri bo.
Mu gihe Minisiteri y’Ubuzima ikomeje gushishikariza abaturage gukomeza kwirinda icyo cyorezo, abaturage bakomeje na gahunda yo kuba mu ingo, gukaraba intoki mu gihe cyose bavuye hanze, aho kandi basabwa ko mu gihe hagize ugaragaza ibimenyetso bya coronavirus COVID-19, ko yahamagara ku inomero itishyurwa 114, cyangwa se akaba yahamagara 0788 20 20 80, cyangwa akandika kuri email callcenter@rbc.gov.rw, cyangwa se uwashaka kwipima we ubwe yakanda *114# akaba yakurikiza amabwiriza.
Ibihugu biri ku isonga hari Leta Zunze Ubumwe z’Amerika, ifite abanduye icyo cyorezo 614, 246, abanduye bashya 360, abamaze kwitaba Imana ni 26, 064, ni mu gihe abamaze gukira ari 38, 820, abamaze kwitaba Imana mu masaha 24 ashize ni 17.
Espagne abamaze kwandura icyo cyorezo ni 117, 633, abanduye vuba ni 3, 573, abamaze kwitaba Imana ni 18, 579, naho abamaze gukira 70, 853, abamaze kwitaba Imana mu masaha 24 ashize ni 324.
.
Mu Butaliyani, abamaze kwandura coronavirus ni 162, 488 abamaze kwitaba Imana ni 21, 067 abamaze gukira icyo cyorezo ni 37, 130. Ubufaransa, abamaze kwandura icyo cyorezo ni 143, 303, abitabye Imana ni 15,729, abamaze gukira ni 28, 805.
Icyorezo cya COVID-19 ni kimwe mu byorezo bihitanye imbaga y’abantu benshi ku isi
Ubudage abamaze kwandura ni 132, 210, abitabye Imana 3, 495, abakize ni 72,600. Ubushinwa, abamaze kwandura ni 82, 295, abanduye vuba ni 46, abamaze kwitaba Imana ni 3, 342, abitabye Imana vuba ni 1.
Ububiligi, abamaze kwandura ni 33,573 abanduye vuba ni 2, 454, abitabye Imana ni 4, 440, abitabye Imana vuba ni 283.
Kenya, abanduye coronavirus ni 216, abamaze kwitaba Imana ni 9, naho abakize ni 41. RDC, abamaze kwandura ni 241, hamaze kwitaba Imana 20, naho abamaze gukira ni 20.
