Basanda Ns Oswald
Icyorezo cya Coronavirus (COVID-19) kiragenda gifata intera ndende, aho ku rwego rw’isi hamaze kuboneka abanduye bangana na 23, 838, 621, ni mu gihe abamaze guhitanwa n’icyo cyorezo ari 817, 638, naho abamaze gukira ni 16, 351, 242, abantu rero bakaba bagomba gukomeza kucyirinda.
Amakuru dukesha ‘‘www.world/coronavirus’’, ku isi abamaze guhitanwa n’icyo cyorezo mu masaha 24 ashize barenga 1, 070. Mu Rwanda abamaze kwandura icyo cyorezo ni 3, 306, abamaze guhitanwa n’icyo cyorezo ni 14, ni mu gihe abamaze kugikira ari 1, 785.
Kongo Kinshasa, abamaze kwandura icyo cyorezo ni 9, 891, ni mu gihe abamaze guhitanwa na cyo ari 251, abanduye bashya ni 49, abamaze gukira ni 8, 971, Tanzania abamaze kwandura ni 509, abo imaze guhitana ni 21, ni mu gihe abamaze gukira ari 183.
Mu Burundi abamaze kwandura icyo cyorezo ni 430, abo icyo cyorezo kimaze guhitana ni 1, naho abamaze gukira ni 345. Uganda abamaze kwandura icyo cyorezo ni 2, 426, abamaze guhitanwa n’icyo cyorezo ni 25, abamaze guhitanwa na cyo mu masaha 24 ni 3, abakize ni 1, 267.
Kenya abamaze kwandura icyo cyorezo ni 32, 557, ni mu gihe abamaze guhitanwa n’icyo cyorezo ari 554, abamaze gukira ni 18, 895.
Kuko imibare mu Rwanda ibyerekana ndetse n’igishushanyo biragaragara ko uhereye ku wa 13-22 Kanama 2020, imibare y’abandura igenda izamuka, ni mu gihe uhereye ku wa 02-Kamena–kugeza ku wa 04 Kanama 2020, nibwo usanga, abantu batangiye guhitanwa n’icyo cyorezo.
Kugeza ubu abantu 14 mu Rwanda bakaba bamaze guhitanwa na cyo. Kuri ubu, abantu bakaba bakomeje gusabwa kwirinda icyo cyorezo, harimo gukaraba intoki incuro nyinshi, kwambara agapfukamunwa ahantu hahurira abantu benshi, gusiga intera byibura ya 1 metero n’igice hagati y’umuntu n’undi.
