Basanda Ns Oswald
Acacia Bandubola,Minisiitiri w’ubukungu wa Repubulika Iharanira Demokarasi ya Kongo (Rdc) abaganga bamusuzumye bamusangamo Coronavirus COVID-19, nanone basanze n’umugabo we ayifite, umuryango we wose uhita ushyirwa mu kato.
Amakuru dukesha ikinyamakuru ‘‘La libre Afrique’’, avuga ko icyo cyorezo cyagaragaye muri uwo muyobozi wa Kongo Kinshasa ejo ku wa kanne taliki ya 19 Werurwe 2020, yahise ashyirwa mu kato, mu gihe yarakubutse mu gihugu cy’Ubufaransa, umugabo we n’abagize umuryango we, kugira ngo bakomeze gusuzumwa no kwitabwaho, bahise batangira gushaka n’abandi bayobozi bagiye bahura na we kugira ngo bapimwe.
Minisiitiri w’ubukungu Acacia Bandubola abaye uwa 18 ugaragaweho n’icyo cyorezo cya Corona Virus, aho akurikirana n’umuyobozi wungirije shinzwe ibiro bye (Directeur de cabinet adjoint), wagaragaweho n’ubwo bwandu ku wa 17 Werurwe 2020.
Eteni Lungondo Minisitiri w’Ubuzima muri RDC, ahamya ko uhereye ku wa 20 Werurwe 2020 kuri uyu wa gatanu abarwayi 18
Eteni Lungondo Minisitiri w’Ubuzima muri RDC, ahamya ko uhereye ku wa 20 Werurwe 2020 kuri uyu wa gatanu abarwayi 18 ari bo bamaze kugaragarwaho na COVID-19, abo bagiye bagaragarwaho icyo cyorezo cyane ngo ni abagiye bava mu ngendo baturuka mu Bufaransa ku mugabane w’iburayi.
Felix Tchisekedi Perezida wa Kongo Kinshasa, byatumye ahita ahagarika ingendo z’indege ziva mu bihugu byagiye bigaragaramo icyo cyorezo cya COVID-19, nanone yahagaritse ibirori n’amateraniro, amashuri n’ibindi bikorwa bihuza abantu benshi.
Umuryango w’Abibumbye wita ku Buzima (OMS) ku wa 18 Werurwe 2020, wagaragaje ko abantu bamaze kwandura COVID-19, bari bamaze kuba 227 495 mu bihugu 176 ikaba imaze guhitana 9 303, naho abavuwe bagakira ni 85 961.
Abarwayi 132 231 barimo kuvurwa mu bihe bitagoye, mu gihe abarwayi ba COVID-19 bari bangana na 125 335 (95%) bari mu bihe bikomeye, abarwayi bamaze kuvurwa bagakira 95 264 muri bo 85 961 (90%) barakize naho 9 303 (10%) barapfuye.
Ibihugu byazahajwe cyane na COVID-19 ni Ubushinwa habonetsemo abarwayi 80894, hakurikiraho Ubutaliyani 35 713 na Iran 17 361.
Muri Afurika ibihugu byagarawemo COVID-19 kurusha ahandi ni Misiri ifite abarwayi 210, ikurikirwa na Afurika y’Epfo ifite abarwayi 150, ikurikirwa na Algerie ifite abarwayi 82, iyo ndwara ikaba imaze guhitana abantu 2 muri Afurika.
